background

മലയാളത്തിന്റെ പ്രിയ സച്ചിന് ആദരാഞ്ജലികൾ

 മലയാള സിനിമയിലെ പ്രശസ്ത തിരക്കഥാകൃത്തും സംവിധായകനുമായ സച്ചി എന്ന കെ ആർ സച്ചിതാനന്ദൻ ( 49 ) അന്തരിച്ചു . അവസാന സിനിമയായ ' അയ്യപ്പനും കോശിയും' ലൂടെ പ്രേക്ഷകരുടേയും നിരൂപകരുടേയും മുക്തകണ്‌ഠം പ്രശംസ പിടിച്ചുപറ്റിയ സച്ചിയുടെ അപ്രതീക്ഷിത വിയോഗത്തിന്റെ ഞെട്ടലിലാണ് സിനിമാ ലോകവും പ്രേക്ഷകരും .

ഏതാനും ദിവസങ്ങള്‍ക്കു മുന്‍പ് വടക്കാഞ്ചേരിയിലെ സ്വകാര്യ ആശുപത്രിയില്‍ സച്ചിയെ ഇടുപ്പ് മാറ്റിവെക്കല്‍ ശസ്ത്രക്രിയയ്ക്കു വിധേയനാക്കിയിരുന്നു. അതിനുശേഷമാണ് അദ്ദേഹത്തിനു ഹൃദയാഘാതം സംഭവിച്ചത്. 16ന് പുലര്‍ച്ചെയാണ് ജൂബിലി മിഷന്‍ ആശുപത്രിയില്‍ സച്ചിയെ പ്രവേശിപ്പിച്ചത്. അദ്ദേഹത്തിന്റെ തലച്ചോര്‍ പ്രതികരിക്കുന്നില്ലെന്നും ഹൈപോക്സിക് ബ്രെയിന്‍ ഡാമേജ് (എന്തെങ്കിലും കാരണത്താല്‍ തലച്ചോറിലേക്ക് ഓക്സിജന്‍ എത്താത്ത അവസ്ഥ) സംഭവിച്ചിട്ടുണ്ടെന്നും ജൂബിലി മിഷന്‍ ആശുപത്രി 16ന് പുറത്തിറക്കിയ മെഡിക്കല്‍ റിപ്പോര്‍ട്ടില്‍ പറഞ്ഞിരുന്നു. വെന്റിലേറ്റര്‍ പിന്തുണയോടെ തീവ്രപരിചരണ വിഭാഗത്തില്‍ വിദഗ്ധ ചികിത്സ ലഭ്യമാക്കിയെങ്കിലും ജീവൻ രക്ഷിക്കാൻ ആയില്ല .

നിയമ ബിരുദധാരിയായ സച്ചി സുഹൃത്ത് സേതുവുമൊന്നിച്ച് സച്ചി - സേതു എന്ന പേരിൽ ചോക്കളേറ്റ് ( 2007) , റോബിൻഹുഡ് ( 2009 ) , സീനിയേഴ്സ് (2011) , മെയ്ക്കപ്പ് മേൻ ( 2011 ), ഡബിൾസ് ( 2011 ) എന്നീ സിനിമകൾക്ക് ശേഷം സ്വതന്ത്ര രചയിതാവായി റൺ ബേബി റൺ ( 2012 ), ചേട്ടായീസ് ( 2012 ) , രാമലീല ( 2017 ), ഡ്രൈവിംഗ് ലൈസൻസ് ( 2019 ) എന്നി ചിത്രങ്ങൾ ചെയ്തു . 2017 ൽ ഷെർലക്ക് ടോംസ് എന്ന ചിത്രത്തിൽ നജിം കോയ , ഷാഫി എന്നിവർക്കൊപ്പം സഹ രചയിതാവായി .

അനാർക്കലി ( 2015 ), അയ്യപ്പനും കോശിയും (2020 ) എന്നിവയാണ് എഴുതി സംവിധാനം ചെയ്ത സിനിമകൾ.  കവി , തിയേറ്റർ ആർട്ടിസ്റ്റ് , ചലച്ചിത്ര സഹ നിർമ്മാതാവ് എന്നീ നിലകളിലും പ്രവർത്തിച്ചിട്ടുണ്ട്. കൊടുങ്ങല്ലൂർ സ്വദേശിയായ സച്ചി എറണാകുളം തൃപ്പുണിത്തുറയിലായിരുന്നു താമസം .

കോവിഡ് പ്രോട്ടോക്കോൾ അനുസരിച്ച് കർശന നിയന്ത്രത്തോടെയാണ് സംസ്കാര ചടങ്ങുകൾ നടക്കുക . ചലച്ചിത്ര പ്രവർത്തകരും പ്രേക്ഷകരും സഹകരിക്കണമെന്ന് ഫെഫ്ക ജനറൽ സെക്രട്ടറി ബി ഉണ്ണികൃഷ്ണൻ അഭ്യർത്ഥിച്ചു. നിയമ വിദഗ്ദൻ കൂടിയായ സച്ചി ഫെഫ്ക റൈറ്റേഴ്‌സ് യൂണിയൻ ഭരണ സമിതി അംഗമാണ് .

FEFKA Directors' Union Film Fest - Award Distribution

ഫെഫ്ക ഡയറക്ടേഴ്സ് യൂണിയൻ സംഘടിപ്പിച്ച ഫെഫ്ക ഷോർട്ട് ഫിലിം ഫെസ്റ്റ് സെക്കന്റ് എഡിഷനിലെ വിജയികൾക്കുള്ള അവാർഡ് വിതരണം പത്മശ്രീ മമ്മൂട്ടി എറണാകുളം പ്രൊഡ്യൂസർ അസോസിയേഷൻ ഹാളിൽ വെച്ച് 2020 ജനുവരി 24 വെള്ളിയാഴ്ച്ച വൈകുന്നേരം 4.30 ന് നിർവ്വഹിക്കും . ചടങ്ങിൽ സിബി മലയിൽ , ബി ഉണ്ണികൃഷ്ണൻ , ഭദ്രൻ മാട്ടേൽ ( ജൂറി ചെയർമാൻ ) തുടങ്ങി ഒട്ടേറെപ്പേർ പങ്കെടുക്കും .

341 ചിത്രങ്ങൾ പങ്കെടുത്ത ഫെഫ്ക ഷോർട്ട് ഫിലിം ഫെസ്റ്റിലെ വിജയികൾ .

മേളയിലെ മികച്ച ചിത്രവും മികച്ച തിരക്കഥയും - വേലി
( സംവിധാനം - വിനീത് വാസുദേവൻ ) ഒരു ലക്ഷം രൂപയും ശിൽപ്പവും സർട്ടിഫിക്കറ്റുമാണ് അവാർഡ് .

മികച്ച രണ്ടാമത്തെ ചിത്രം -അരിമ്പാറ ( സംവിധാനം നിപിൻ നാരായൺ ) അമ്പതിനായിരം രൂപയും ശിൽപ്പവും സർട്ടിഫിക്കറ്റുമാണ് അവാർഡ് .

മൂന്നാമത്തെ ചിത്രം ഗൾപ്പ് ( സംവിധാനം വിജീന്ദ്ര ശ്യാം )
ഇരുപത്തി അയ്യായിരം രൂപയും ശിൽപ്പവും സർട്ടിഫിക്കറ്റുമാണ് അവാർഡ് .

മികച്ച സംവിധാനം -
റിയ മാത്യുസ് (സ്റ്റെയിൻസ് )
മികച്ച ഛായാഗ്രഹണം - ഹെസ്റ്റിന്‍ ജോസ് ജോസഫ്‌ ( ചിത്രം- ക്രോസ്സിംഗ് )
മികച്ച ചിത്ര സംയോജനം - കിരണ്‍ ദാസ്‌ ( മിഡ് നൈറ്റ് റൺ & മെൻ അറ്റ് ദ ഡോർ )
സംഗീത സംവിധാനം - അങ്കിത് ചുഗ് (സ്റ്റെയിൻസ് )

മികച്ച നടന്‍ - ആഷിക് അബുബക്കര്‍ ( ചിത്രം - മൃഗം ).
മികച്ച നടി - ലിയ ഗ്രേസ്‌ (സ്റ്റെയിൻസ് )
മികച്ച ബാല അഭിനേതാവ് - ശരൺ സ്റ്റാലിന്‍ ( ചിത്രം- ചൂണ്ടല്‍ )

മികച്ച പ്രവാസി ചിത്രം – ഇസിജി ( സംവിധാനം നിസാര്‍ ബാബു )
മികച്ച ക്യാമ്പസ്‌ ചിത്രം – ഒരു കൊച്ചു മോഹം ( സംവിധാനം‍ സത്യജിത്ത്.ജി ) ,

സ്‌പെഷൽ മെൻഷൻ
സംവിധാനം- ജെസ്വിൻ ജോസ് ( ക്ഷണക്കത്ത് ),
അഭിനയം - കെ എൽ ആന്‍റണി ( ഗൾപ് ) ,
മൃണാളിനി ( ലെറ്റ് ഹെർ ബി ) ബാലതാരം സിദ്ധാര്‍ഥ് ( വൺ ഫൈൻ ഡേ & ഒരു കൊച്ചു മോഹം
സംവിധായകൻ ഭദ്രൻ മാട്ടേൽ ചെയർമാനായ ഫൈനൽ ജൂറിയിൽ
മഹേഷ് നാരായണൻ ,
സജീവ് പാഴൂർ ,
സുജിത്ത് വാസുദേവ് ,
സൗമ്യ സദാനന്ദ് ,
ബിജിബാൽ ,
രജിഷ വിജയൻ എന്നിവർ അംഗങ്ങളായിരുന്നു .
പ്രാഥമിക ഘട്ട ജൂറി അംഗങ്ങൾ
1. മെക്കാർട്ടിൻ (Writer & Director)
2.ഷിബു ഗംഗാധരൻ (Director)
3. മാധവ് രാംദാസ് (Writer & Director)
4.ദിലീഷ് നായർ ( Writer & Director)
5.വിജയ് ശങ്കർ (Editor)
6 ജിബു ജേക്കബ് (Director, DOP)
7 സലാം ബാപ്പു (Director)
8. സോഹൻ സീനുലാൽ (Writer & Director)
9.നിഥിൻ രൺജി പണിക്കർ (Writer & Director)
10. മധു സി നാരായണൻ (Director)
11. ഷെരീഫ് ഈസ (Writer & Director)
12. സമീർ ഹഖ് (DOP)
13. ഷാജൂൺ കാര്യാൽ (Director)
14. ഉത്പൽ വി നായനാർ (DOP & Director)
15. ഷാജി അസീസ് (Director)
16. വി സി അഭിലാഷ് (Writer & Director)
17. റോബിൻ തിരുമല (Writer & Director)
18. ലിയോ തദേവൂസ് (Writer & Director)
19. വി ടി ശ്രീജിത്ത് (Editor)
20.ഗായത്രി അശോക് (Designer & Writer)
21. മാർത്താണ്ഡൻ (Director)
22. ഗിരീഷ് മനോ (Writer & Director)
23. ജിനു എബ്രഹാം (Writer & Director)
24. സജി സുരേന്ദ്രൻ (Director)
25. അരുൺ ഡൊമനിക് (Writer & Director)
26 . രോഹിത് (Writer & Director)
27. അഖിൽ ജോർജ്ജ് (DOP)
28. രഞ്ജിത്ത് ശങ്കർ
( Writer & Director)
29. എ കെ സാജൻ
(Writer & Director)
30 എ കെ സന്തോഷ് (Writer)
31. അനിൽ സി മേനോൻ (Director)
32. ദീപു അന്തിക്കാട് (Writer & Director)
33.ജിജോ ബേബി (Writer & Director)
34.നിഖിൽ എസ് പ്രവീൺ (DOP)
35. ബിലഹരി (Writer & Director)
36. നിസാർ ( Director )
37. പി കെ ജയകുമാർ (Asso. Dir)
38. മാളു എസ് ലാൽ (Asso. Dir)
39.സോഫിയ (Asso. Dir)
40. മുസ്തഫ (Asso. Dir)

മേളയിൽ പങ്കെടുത്ത എല്ലാ കലാകാരന്മാർക്കും ഫെഫ്ക ഡയറക്ടേഴ്‌സ് യൂണിയന്റെ അഭിനന്ദനങ്ങൾ .

രൺജി പണിക്കർ
പ്രസിഡന്റ്

ജി എസ് വിജയൻ
ജനറൽ സെക്രട്ടറി

 — at Kerala Film Producers Association.

ഫെഫ്ക ഷോർട്ട് ഫിലിം ഫെസ്റ്റ് സെക്കന്റ് എഡിഷന്റെ അവാർഡ് ജേതാക്കളെ പ്രഖ്യാപിച്ചു

ഏറണാകുളം : ഫെഫ്ക ഡയറക്ടേഴ്‌സ് യൂണിയൻ സംഘടിപ്പിച്ച ഫെഫ്ക ഷോർട്ട് ഫിലിം ഫെസ്റ്റ് സെക്കന്റ് എഡിഷന്റെ അവാർഡ് ജേതാക്കളെ പ്രഖ്യാപിച്ചു .

മേളയിലെ ഏറ്റവും മികച്ച ചിത്രമായി വിനീത് വാസുദേവ് സംവിധാനം ചെയ്ത ' വേലി ' തിരഞ്ഞെടുത്തു . ഒരു ലക്ഷം രൂപയും ശിൽപ്പവും പ്രശസ്തി പത്രവുമാണ് അവാർഡ് . തിരക്കഥക്കുള്ള അവാർഡും വേലിയിലൂടെ വിനീത് വാസുദേവന് ലഭിച്ചു . മികച്ച രണ്ടാമത്തെ ചിത്രമായി അരിമ്പാറയും ( സംവിധാനം നിപിൻ നാരായൺ ) മൂന്നാമത്തെ ചിത്രമായി ഗൾപ്പ് ( സംവിധാനം വിജീന്ദ്ര ശ്യാം ) യഥാക്രമം അമ്പതിനായിരം രൂപയും ഇരുപത്തി അയ്യായിരം രൂപയും ശില്പവും പ്രശസ്തി പത്രവും നേടി .

സ്റ്റെയിൻസ് എന്ന ഇംഗ്ലീഷ് സിനിമയിലൂടെ റിയ മാത്യുസ് മേളയിലെ ഏറ്റവും മികച്ച സംവിധായക പുരസ്‌കാരം കരസ്ഥമാക്കി . സ്റ്റെയിൻസിലെ പ്രകടനത്തിന് മികച്ച നടിക്കുള്ള പുരസ്‌കാരം ലിയ ഗ്രേസും , സംഗീത സംവിധാനത്തിനുള്ള അംഗീകാരം അങ്കിത് ചുഗും നേടി .

അര മണിക്കൂറിൽ താഴെ ദൈർഘ്യമുള്ള മുന്നൂറ്റി നാൽപ്പത്തി ഒന്ന് ചിത്രങ്ങളാണ് മേളയിൽ മത്സരിച്ചത് . ഉള്ളടക്കവൈവിദ്ധ്യം കൊണ്ടും പങ്കാളിത്ത വർദ്ധനവ് കൊണ്ടും ഫെഫ്ക ഷോർട്ട് ഫിലിം ഫെസ്റ്റിനെ ശ്രദ്ധേയമാക്കിയ എല്ലാ മത്സരാർത്ഥികൾക്കും ഫെഫ്ക ജനറൽ സെക്രട്ടറി ശ്രീ ബി ഉണ്ണികൃഷ്ണൻ നന്ദി അറിയിച്ചു .

പ്രാഥമിക ജൂറിയായി മലയാള സിനിമയിലെ അമ്പതിലേറെ പ്രതിഭകൾ പത്ത് ഗ്രൂപ്പായി ചിത്രങ്ങൾ കണ്ടു വിലയിരുത്തി . പ്രാഥമിക ജൂറി തിരഞ്ഞെടുത്ത മുപ്പത്തിരണ്ട് ചിത്രങ്ങളാണ് സംവിധായകൻ ഭദ്രൻ ചെയർമാമാനായ ഫൈനൽ ജൂറിക്ക്‌ മുമ്പിൽ എത്തിയത് . മഹേഷ് നാരായണൻ , സജീവ് പാഴൂർ , സുജിത്ത് വാസുദേവ് , സൗമ്യ സദാനന്ദ് , ബിജിബാൽ , രജിഷ വിജയൻ എന്നിവർ ഫൈനൽ ജൂറി അംഗങ്ങളായിരുന്നു .

ഫെഫ്കയുടെ പുരസ്‌കാരം ലഭിച്ച മറ്റ് വിജയികൾ . മികച്ച നടന്‍ - ആഷിക് അബുബക്കര്‍ ( ചിത്രം - മൃഗം ). മികച്ച ഛായാഗ്രഹണം - ഹെസ്റ്റിന്‍ ജോസ് ജോസഫ്‌ ( ചിത്രം- ക്രോസ്സിംഗ് ) മികച്ച ചിത്ര സംയോജനം - കിരണ്‍ ദാസ്‌ ( മിഡ് നൈറ്റ് റൺ & മെൻ അറ്റ് ദ ഡോർ ) മികച്ച ബാല അഭിനേതാവ് - ശരൺ സ്റ്റാലിന്‍ ( ചിത്രം- ചൂണ്ടല്‍ ) മികച്ച പ്രവാസി ചിത്രം – ഇസിജി ( സംവിധാനം നിസാര്‍ ബാബു ) മികച്ച ക്യാമ്പസ്‌ ചിത്രം – ഒരു കൊച്ചു മോഹം ( സംവിധാനം‍ സത്യജിത്ത്.ജി ) , ക്ഷണക്കത്ത് സംവിധാനം ചെയ്ത ജെസ്വിൻ ജോസ് , അഭിനേതാക്കളായ കെ എൽ ആന്‍റണി ( ഗൾപ് ) , മൃണാളിനി ( ലെറ്റ് ഹെർ ബി ) ബാലതാരം സിദ്ധാര്‍ഥ് ( വൺ ഫൈൻ ഡേ & ഒരു കൊച്ചു മോഹം) എന്നിവർ ജൂറിയുടെ സ്‌പെഷൽ മെൻഷൻ അവാർഡുകൾ നേടി .

സപ്‌തംബർ മാസം എറണാകുളത്ത് വെച്ച് അവാർഡ് വിതരണ ചടങ്ങ് നടത്തുമെന്ന് ഫെഫ്ക ഡയറക്ടേഴ്‌സ് യൂണിയൻ പ്രസിഡന്റ് രൺജി പണിക്കർ , ജനറൽ സെക്രട്ടറി ജി എസ് വിജയൻ എന്നിവർ അറിയിച്ചു .

യുവ സംവിധായകൻ വിവേക് ആര്യൻ അന്തരിച്ചു.

2019 ൽ പുറത്തിറങ്ങിയ ഓർമ്മയിൽ ഒരു ശിശിരം എന്ന സിനിമയുടെ സംവിധായകൻ വിവേക് ആര്യൻ നമ്മെ വിട്ടു പിരിഞ്ഞു. എറണാകുളം ആസ്റ്റർ മെഡിസിറ്റിയിൽ അല്പം മുൻപായിരുന്നു അന്ത്യം. വാഹനാപകടത്തിൽ പരിക്കേറ്റ് കുറച്ചു ദിവസമായി തീവ്ര പരിചരണ വിഭാത്തിൽ ചികിത്സയിലായിരുന്നു.

ഭാര്യ അമൃതയുമായി ഇരുചക്രവാഹനത്തിൽ സഞ്ചരിക്കവെ നായ കുറുകെ ചാടിയതിനെ തുടർന്നായിരുന്നു അപകടം. കൊടുങ്ങല്ലൂരിൽ ഡിസംബർ 22നുണ്ടായ വാഹനാപകടത്തിൽ ആര്യന്റെ തലക്ക് ഗുരുതര പരിക്കേൽക്കുകയായിരുന്നു. അപകടത്തിൽ ഭാര്യ അമൃതയുടെ കൈയ്യിന് പരിക്കേറ്റിരുന്നു.

സംവിധായകൻ ജിത്തു ജോസഫിന്റെ മെമ്മറീസ്, ദൃശ്യം എന്നീ ചിത്രങ്ങളുടെ സഹ സംവിധായകനായി പ്രവർത്തിച്ചിട്ടുണ്ട്. നാല് വർഷമായി തൃപ്പൂണിത്തുറയിൽ താമസിക്കുന്ന വിവേക് ആര്യൻ പരസ്യ സംവിധായകനായും പ്രവർത്തിച്ചിട്ടുണ്ട്. രണ്ട് തമിഴ് ഹ്രസ്വചിത്രങ്ങളും സംവിധാനം ചെയ്തിട്ടുണ്ട്. തൃശ്ശൂർ നെല്ലായി അനന്തപുരം പഴയത്തുമനയിൽ ആര്യൻ നമ്പൂതിരിയുടെയും ഭാവനയുടെയും മകനാണ്‌. സഹോദരൻ: ശ്യാം

ഫെഫ്ക ഡയറക്ടേഴ്സ് യൂണിയന്റെ ആദരാഞ്ജലികൾ

Salam Bapu and Zakariya

Director Salam Bapu and Director Zakariya (Sudani from Nigeria) talking about Shortfilm

Page 1 of 5

© 2016 FEFKA Director's Union. All Rights Reserved. Designed By FUTURE MEDIA